Nua Fúin
Tá sé de chúram ar Phainéal Measúnaithe COVID-19, a bhfuil an tOllamh Anne Scott ina cathaoirleach air, Tuarascáil chuimsitheach neamhspleách a thiomsú, de réir a Théarmaí Tagartha chuig:
Féachtar, trí chur chuige lena mbaineann tréithe na follasachta agus an chomhair agus lena seachnaítear tréithe sáraíochta agus freasúrachta, le muinín an phobail a chothú sa phlean oibre. Tabharfar faoi chlár céimnithe oibre le gnéithe forluiteacha, ag leanúint le cur chuige modheolaíochta leathan agus éagsúil. Ar ábhar fianaise a bhunófar agus leas á bhaint as cáipéisí, sonraí, saothar taighde agus tuarascálacha; chomh maith le haighneachtaí agus comhairliúchán níos fairsinge.
Cuirfidh an Painéal Meastóireachta a thuarascáil deiridh faoi bhráid an Taoisigh thart ar 12-18 mí tar éis tosú. Ina theannta sin, féadfaidh an Painéal Meastóireachta tuarascálacha eatramhacha a thíolacadh ar ábhair a díríonn measúnú ar fheabhsuithe nó ar athruithe láithreacha beartais, córais nó cleachtais. Leagann a Téarmaí Tagartha amach go sainráite freisin réimsí nach dtagann faoi scáth an obair Breithmheastóireachta, amhail cinntí cliniciúla a rinne cliniceoirí aonair le linn na paindéime COVID-19 agus eipidéimeolaíocht shonrach an víris COVID-19 agus a athraitheacha.
Painéal Breithmheastóireachta COVID-19
Tá an painéal neamhspleách ildisciplíneach agus tá an saineolas riachtanach acu chun tacú le réimsí éagsúla na Breithmheastóireachta.
Cathaoirleach Phainéal Breithmheastóireachta COVID-19
Ollamh Emerita in Ollscoil na Gaillimhe an tOllamh Scott. Bhí poist éagsúla ceannasaíochta aici in earnáil na hollscolaíochta in Éirinn agus i Sasana i rith a ré gairme, ina measc Ceann Scoile, Déanach Feidhmiúcháin, Leas-Uachtarán – Comhionannas agus Iléagsúlacht (Ollscoil na Gaillimhe 2016 – 2021), agus Leas-Uachtarán agus Cláraitheoir (Ollscoil Chathair Bhaile Átha Cliath 2006 – 2012).
Is Altra Ginearálta Cláraithe í agus tá céim BA san Fhealsúnacht agus sa tSíceolaíocht aici ó Choláiste na Tríonóide, Baile Átha Cliath, céim MSc ó Ollscoil Dhún Éideann agus céim PhD san Fhealsúnacht ó Ollscoil Ghlaschú. Shaothraigh sí i mbun obair clinice agus obair léinn in Éirinn, in Albain, sa Chéinia agus i Sasana. Shaothraigh sí i mbun obair clinice agus obair léinn in Éirinn, in Albain, sa Chéinia agus i Sasana.
Tá taithí agus eolas forleitheadach ag an Ollamh Scott ar chóras cúraim sláinte na hÉireann.
Áiríonn an tOllamh Scott ar a cuid réimsí spéise maidir le hobair taighde, gnéithe fealsúnachta agus eitice den chúram sláinte, meábhreithiúnas agus déanamh cinntí i mbun obair clinice, agus taighde ar sheirbhísí sláinte le béim ar an lucht saothair sláinte.
An tOllamh David Heymann
Is eipidéimeolaí leighis é David Heymann agus tá sé ina Ollamh le hEipidéimeolaíocht Galair Tógálacha sa London School of Hygiene and Tropical Medicine. Bhí sé ina chathaoirleach ar UK Health Protection Agency ó 2009 go 2007 agus ansin ar Public Health England, agus i rith na tréimhse seo threoraigh sé an Centre on Global Health Security at Chatham House (London). Bhí Heymann i bpoist cheannaireachta éagsúla idir 1989 agus 2009 maidir le galair thógálacha san Eagraíocht Dhomhanda Sláinte, agus in 2003, ina ról mar stiúrthóir feidhmiúcháin ar ghalair theagmhálacha, bhí sé i gceannas ar fhreagairt dhomhanda na hEagraíochta Domhanda Sláinte ar SARS.
In 1976, tar éis dó dhá bhliain a chaitheamh in India ag fiosrú dhíothú na bolgaí, bhí Heymann ina bhall d’fhoireann CDC (Atlanta) chun an chéad bhriseadh amach den Ebola i DRC agus d’fhan sé san Afraic fho-Shahárach ar feadh 13 bliana i bpoist taighde allamuigh éagsúla ar Ebola, bolgach mhoncaí, Lassa Fever, maláire agus galair thrópaiceacha eile. Tá níos mó ná 275 alt phiarmheasúnaithe agus caibidlí leabhair foilsithe ag Heymann. Tá sé ina eagarthóir ar Control of Communicable Diseases Manual, chomh maith le bheith ina bhall tofa de chuid UK Academy of Medical Sciences agus an US National Academy of Medicine.
An Dr Nat O’Connor
Is Ollamh Cúnta le Beartas Sóisialta é an Dr Nat O’Connor i Scoil an Pholasaí Shóisialta, na hOibre Sóisialta agus na Córa Sóisialta, UCD agus tá sé ina Chomhalta den UCD Geary Institute for Public Policy. Sular thosaigh sé ag obair in UCD, d’oibre Nat le Age Action (2021-24), Páirtí an Lucht Oibre (2018-20), Ollscoil Uladh (2015-18), TASC (2009-2015) agus an Homeless Agency (2006-09). Bhíodh Nat ina aoi-léachtóir le polasaí sóisialta in Ollscoil Mhá Nuad (2005-2023). Is é Nat cathaoirleach Chumann Polasaí Shóisialta na hÉireann faoi láthair, tá sé ina bhall den Chomhairle Náisiúnta Eacnamaíoch agus Sóisialach (NESC), agus ina bhall de Shainghrúpa Comhairleach an FSS maidir le Pleanáil Daonra-Bhunaithe, agus ina Chomhairleoir Sinsearach Polasaí do Age Action.
An Dr Nora M. Strecker
Is Ollamh Cúnta agus Comhalta de chuid Ad Astra í an Dr Nora M. Strecker i Scoil na hEacnamaíochta sa Choláiste Ollscoile, Baile Átha Cliath, áit a bhfuil sí ina ball den fhoireann teagaisc ó 2020. Sular ceapadh í i gColáiste na hOllscoile, Baile Átha Cliath, bhí an Dr Strecker ina taighdeoir iardhochtúireachta in ETH Zurich. Tá PhD aici san Eacnamaíocht ó Institiúid Teicneolaíochta Chónaidhme na hEilvéise in Zurich, a chríochnaigh sí in 2017, chomh maith le céimeanna Baitsiléara agus Máistreachta ó Ollscoil Nua-Eabhrac.
Díríonn taighde an Dr Strecker ar airgeadas poiblí, go háirithe ar cháin ioncaim phearsanta a bhaineann le trádáil idirnáisiúnta, eacnamaíocht leasa, agus geilleagar polaitiúil. Scrúdaíonn a cuid oibre éifeachtaí an domhandaithe ar ghnólachtaí, oibrithe agus rialtais, agus déantar fiosrú sna tionscadail is déanaí conas a théann cáin ioncaim i bhfeidhm ar éagothroime dhomhanda agus ar an aistriú ó gheilleagair atá bunaithe ar tharaifí go geilleagair atá bunaithe ar cháin. D’fhoilsigh sí ábhar in irisí eacnamaíochta idirnáisiúnta mór le rá, lena n-áirítear The American Economic Review, The Journal of International Economics, agus International Tax and Public Finance.
Taobh amuigh dá cuid taighde, tá baint ghníomhach ag an Dr Strecker le roinnt eagraíochtaí acadúla agus gairmiúla. Is cleamhnaí taighde í leis an Lárionad Taighde ar Bheartas Eacnamaíoch (CEPR) i réimse an chláir ar Thrádáil Idirnáisiúnta agus Eacnamaíocht Réigiúnach agus is cleamhnaí í de chuid Institiúid Geary um Bheartas Poiblí sa Choláiste Ollscoile, Baile Átha Cliath. Ina theannta sin, is ball de SKATTEFORSK í – Centre for Tax Research, the Standing Field Committee on Public Economics of the Verein für Socialpolitik (Cumann Eacnamaíochta na Gearmáine), agus Institiúid Eorpach Bhaile Átha Cliath. Lena chois sin, feidhmíonn sí mar eagarthóir bainistíochta ar an German Economic Review. Tá an Dr Strecker ina comhbhunaitheoir ar Líonra Eacnamaíochta Poiblí na hÉireann (IPEN) freisin agus comheagraíonn sí Ceardlann Eacnamaíochta Poiblí na hÉireann (IPEW).
An tOllamh Bert Gordijn
Tá Bert Gordijn ina Ollamh Eitice agus ina Stiúrthóir ar Institiúid na hEitice in Ollscoil Chathair Bhaile Átha Cliath. Rinne sé staidéar ar an bhfealsúnacht agus ar an stair in Utrecht, Strasbourg agus Freiburg, agus d’éirigh leis dochtúireacht san fhealsúnacht a bhaint amach ó Ollscoil Freiburg in 1995, agus ina dhiaidh sin PhD sa bhitheitic ó Ollscoil Radboud Nijmegen in 2003. Agus é ina chomhalta cuairte, d’fhreastail sé ar Ollscoil Lancaster (an Ríocht Aontaithe), Ollscoil Georgetown (Stáit Aontaithe Mheiriceá), Ollscoil Náisiúnta Shingeapór, Fondation Brocher (an Eilvéis), agus Ollscoil Yenepoya in Mangalore, an India. Rinne an tOllamh Gordijn ionadaíocht ar choistí comhairleacha agus ar choistí saineolaithe de chuid na Comhairle Eorpaí um Thionscal na gCeimiceán, Eagraíocht Eorpach na bPaitinní, Roinn Sláinte na hÉireann agus Eagraíocht Oideachais, Eolaíochta agus Chultúir na Náisiún Aontaithe.
D’fhéadfaidh sé go leathnófar an Painéal, más gá de réir mar a théann an obair ar aghaidh.
Is féidir leis an bPainéal freisin saineolas daoine i réimsí níos forleithne arís a thapú más gá.
Meitheal ar leith de státseirbhísí ar iasacht a chuirfidh cúnamh taca rúnaíochta ar fáil don Phainéal Breithmheastóireachta.